Bakı. 17 dekabr. REPORT.AZ/ Azərbaycanlı K-1 döyüşçüsü Zabit Səmədovun polşalı Pol Slovinski ilə revanş döyüşünə həsr olunnan videoçarx hazırlanıb.
"Report"un məlumatına görə, Çeçenistanın paytaxtı Qroznıdakı "Kolizey" idman zalında dekabrın 26-da keçiriləcək döyüşlə bağlı videoçarx "Facebook" şəbəkəsində də yerləşdirilib.
"Mauqli" və "Jalo" ləqəbli idmançıların qarşılaşması "Akhmat Fight Show" turniri çərçivəsində baş tutacaq.
Qeyd edək ki, Zabit Səmədov və Pol Slovinskinin 2007-ci ildə Hollandiyada keçirilmiş ilk döyüşündə azərbaycanlı K-1 ustası məğlub olub.
