Bakı. 18 dekabr. REPORT.AZ/ Çinin paytaxtı Pekində rəsmilər bu il ərzində ikinci dəfə ən yüksək duman xəbərdarlığını elan edib.
"Report"un "Gazeta.Ru"-ya istinadən verdiyi xəbərə görə, “qırmızı" səviyyəli xəbərdarlıq ən yüksək xəbərdarlıq səviyyəsi hesab edilir və zavodların istehsalı azaltmasını tələb edir.
Növbəti üç gün ərzində ekoloji vəziyyətin pisləşəcəğini qeyd edən rəsmilər, bildiriblər ki
havanın çirklənməsi Pekin sakinləri üçün xroniki sağlamlıq riski yaradır.
Bu müddət ərzində paytaxt sakinlərinin şəxsi avtomobillərdən istifadəsi qadağandır. Paytaxt məktəblərində dərslərin da dayandırılacağı gözlənilir.
Kömürlə işləyən sənaye və istilik sistemləri, eyni zamanda tikinti meydanlarından qalxan toz, dumanın yaranmasına səbəb olub. Rütubət və küləksiz hava şəraiti də vəziyyəti daha da mürəkkəbləşdirir.