Aktrisa Nurgül Yeşilçayın "Paramparça" serialına toy səhnələri ilə vida edəcəyi məlum olub.
Axşam.az-ın Türkiyə mətbuatına istinadən məlumatına görə, baş rollarında Erkan Petekkaya, Ebru Özkan və Barış Falayln çəkildiyi ekran işində hazırda 46-cı seriya yayımlanacaq.
52 seriyalıq müqaviləsi olan Nurgül şirkətlə görüşərək müqaviləni artırmaq istəmədiyini söyləyib. Buna görə də 6 seriya sonra olacaq toy aktrisanın son səhnələri olacaq.
Qeyd edək ki, E.Petekkaya serialda Cihan, N.Yeşilçay isə Gülseren obrazını canlandırır. Onlar arasında davam edən münaqişə yaradıcı heyəti son zamanlar narahat etməyə başlayıb. Yeşilçay bu yaxınlarda öpüşmə səhnəsinə etiraz edən Petekkaya ilə mübahisə etmişdi. Aktyor ona "öpüşmə səhnələrinə çox həvəslisən" deyərək gərginliyi daha artırmışdı.