Bakı. Elçin Mehdiyev – Trend:
Azərbaycanla Vyetnam arasında hava əlaqələri və gömrük sahəsində əməkdaçlıq genişləndirilir.
Trend-in məlumatına görə, Milli Məclisin bu gün keçirilən iclasında "Azərbaycan Respublikasının Hökuməti ilə Vyetnam Sosialist Respublikasının Hökuməti arasında hava əlaqəsi haqqında" Saziş və "Azərbaycan Respublikasının Hökuməti ilə Vyetnam Sosialist Respublikasının Hökuməti arasında gömrük işi sahəsində əməkdaşlıq və qarşılıqlı yardım haqqında" Saziş təsdiq edilib.
Sazişlər haqqında məlumat verən Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə bildirib ki, hər iki saziş iki ölkə arasında qeyd olunan sahələrdə əməkdaşlığın gücləndirilməsinə mühüm töhfə verəcək.
Bizi Twitter-dən izləyin: @trend_az
