Bakı. Yelena Kosolapova - Trend:
Qazaxıstan MDB-nin buraxılması barədə təkliflə çıxış etməyib və MDB-nin üzv ölkələrinə belə təklifin olduğu heç bir sənəd göndərməyib. Bunu Trend-ə Qazaxıstan Xarici İşlər Nazirliyinin (XİN) mətbuat xidmətinin rəhbəri Anuar Jaynakov deyib.
O bildirib: "Söhbət çox güman ki, oktyabrın 16-da Qazaxıstanda MDB Dövlət Başçıları Şurasının iclasındakı məlumatdan gedir. Həmin vaxt Qazaxıstan Prezidenti Nursultan Nazarbayev MDB-nin nizamnamə orqanlarının transformasiyası barədə təşəbbüslə çıxış etmişdi. MDB-nin yenidən formalaşdırılmasından söhbət getməyib".
Qeyd edək ki, Qazaxıstanın MDB-nin buraxılması barədə rəsmi təklif verməsi ilə bağlı məlumatlar yayılıb.
Bizi Twitter-dən izləyin: @trend_az
