Tərtər, 19 dekabr, AZƏRTAC
Tərtər şəhərindəki Heydər Əliyev Mərkəzinə məktəblilərin ekskursiyası davam edir.
AZƏRTAC xəbər verir ki, Heydər Əliyev Mərkəzinin növbəti qonaqları şəhər 1, 2, 5 və 6 nömrəli məktəblərin şagirdləri olub. Şagirdlər Heydər Əliyev Mərkəzində dahi liderin keçdiyi şərəfli həyat yolunu, Azərbaycana rəhbərliyinin hər iki dövrünü əks etdirən fotoşəkillərlə, böyük şəxsiyyət haqqında yazılmış kitablarla, qəzet, jurnal və rəsmi sənədlərlə tanış olublar. Heydər Əliyev Mərkəzinin direktoru Səlimə Yusifova Ümummilli Liderin həyat və fəaliyyəti, siyasi irsi, xalqımız və dövlətimiz qarşısında böyük xidmətləri haqqında ətraflı məlumatlar verib. Məktəblilər burada həmçinin Ulu Öndərə həsr olunmuş sənədli film izləyiblər.
Qeyd edək ki, 2015-ci ilin əvvəlindən 60-dan çox idarə, müəssisə və ümumtəhsil məktəbindən ümumilikdə 1800 nəfər Heydər Əliyev Mərkəzinə ekskursiya edib.
