Bakı, 19 dekabr, AZƏRTAC
Dekabrın 19-da Tələbə Qəbulu üzrə Dövlət Komissiyası (TQDK) Azərbaycan Beynəlxalq Bankının (ABB) müraciəti əsasında bu bankda çalışan əməkdaşların bilik səviyyəsinin müasir tələblərə uyğunluğunu müəyyənləşdirmək üçün test imtahanı keçirib.
AZƏRTAC xəbər verir ki, imtahanda ABB-nin 710 əməkdaşı iştirak edib. İştirakçılara xəzinə, əməliyyat, kredit və mühasibat işləri üzrə 100 test tapşırığı təqdim olunub. Suallardan 85-i bank sektoru və qanunvericilik, 15-i isə məntiqi nəticə çıxarma qabiliyyətini müəyyən etməklə bağlı olub.
