"Kia" şirkəti yeni nəsil sedan "Optima"-nın hibrid versiysını təqdim etdi. Cənubi Koreyada avtomobil "K5" adı ilə satılacaq. Hibrid qurğunun tərkibinə dörd silindrli 2,0 litrlik GDI mühərriki daxil olub.
Milli.Az auto.az-a istinadən bildirir ki, mühərrikin gücü 156 a.g. və 189 Nm fırlanma anı təşkil edir. Aqreqat 52 a.g. verən elektrik mühərriki ilə birgə işləyir. Avtomobil 6-pilləli avtomatik sürət qutusu əldə edib.
"Optima" hibrid modifikasiya adi versiyadan fərqli bamperlər, yeni radiator barmaqlığı, həmçinin 16 və 17-düymlük yüngül lehimli disklərlə fərqlənir. Xatırladaq ki, hazırda "Kia" universal banında "Optima" modeli hazırlamaqla məşğuldur.
Avtomobilin Avropada satışı gələn il başlayacaq. Yenilik Cənubi Koreyada zavodda yığılacaq.
Milli.Az 
