22 bina çökdü, itkin düşənlər var (YENİLƏNİR)

22 bina çökdü, itkin düşənlər var (YENİLƏNİR)
15:36 20 Dekabr 2015
56 Digər
Ölkə mətbuatı
A- A+

Çinin
Şençjen şəhərində 22 yaşayış binası çöküb.

ANS PRESS-in xarici KİV-lərə istinadən verdiyi məlumata görə təqribən 900 sakini xilas etmək mümkün olsa da , itkin düşənlər də az deyil.

Hazırda ən azı 41 nəfərin itkin düşüdüyü deyilir.

Çin informasiya agentliklərinin yaydığı məlumata əsasən xilasetmə tədbirləri üçün 700-dən çox insan cəlb edilib. Hazırda axtarışlar davam etdirilir.

Hadisə şəhərin şimal-şərqində yerləşən sənaye parkının ərazisində baş verib. Binaların uçmasına sürüşmənin baş verməsi göstərilir. Hadisə nəticəsində yaxınlıqdakı yanacaqdoldurma məntəqəsində də partlayış baş verib.


Bir müddət əvvəl isə Mumbayda köhnə binanın çökməsi 11 sakinin həyatına son qoyub.

Hadisə Txane şəhərində baş verib.

Hindistan polisinin məlumatına görə, dağıntılar altından 7 nəfər xilas olunub. Lakin binanın dağıntıları altında hələ bir neçə insanın da qaldığı deyilir.

Hindistan hökümətinin açıqlamasına əsasən, çökən bina 3 mərtəbəli olub və 50 il bundan əvvəl inşa edilib. Binanın zədələnməsinə səbəb iyun ayından sentyabr ayına qədər aramsız yağan yağışlar olub.

Binanın yaşayış üçün yararsız olduğu hələ 2 il bundan əvvəl deyilsə də, lakin sakinlər hələ də orada yaşamağa davam edirdilər.

Əslində buna səbəb var. Çünki Mumbayda mülk həddindən artıq baha olduğu üçün insanlar da köhnə evlərdə yaşamaq məcburiyyətində olurlar. Bu şəhərdə əhalinin 60%-i gecəqondularda qalırlar.

Son iki il ərzində Mumbayda köhnə binaların, evlərin çökməsi nəticəsində yüzdən çox insan həyatını dəyişib.

Analoji hal keçən ilin yayında da müşahidə olunub. Belə ki, Hindistanın cənub bölgəsində yerləşən Çennai şəhərində 11 mərtəbəli binanın dağılması 50 insanın ölümü ilə nəticələnmişdi. Hökümət həmin binanın da yağıntılar nəticəsində çökdüyünü bildirmişdi.



Xəbərin orijinal ünvanı: http://anspress.com/index.php?a=2&lng=az&cid=1&nid=367737

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR