Bakı, 20 dekabr, AZƏRTAC
Mərkəzi Bankın məlumatına görə, bu il noyabrın 1-nə Azərbaycanın bank sektorunun kredit portfeli milli valyuta ekvivalentində 18,6 milyard manat təşkil edib, onun 14,2 milyard manatı uzunmüddətli kreditlər olub.
Dövlət Statistika Komitəsindən AZƏRTAC-a bildiriblər ki, kreditlərin 31,4 faizi dövlət, 65,5 faizi qeyri-dövlət bankları, 3,1 faizi isə bank olmayan kredit təşkilatları və kredit ittifaqlarının payına düşüb. Ödəmə vaxtı keçmiş kreditlərin məbləği ümumi kredit portfelinin 7 faizini təşkil edib.