Rəqqasə Oksana Rəsulova media nümayəndələri ilə görüşüb.
Axşam.az-ın məlumatına görə, sənətçi sahibi olduğu “Oksimedia” prodakşının lentə aldığı “Şər qarışanda” filimin reklam çarxını təqdim edib.
“Əslində təqdimatı dekabrın 19-da ad günümdə etmək istəyirdim. Çatdırmadım. Ekran işi martın 3-dən etibarən bütün kinoteatrlarda olacaq. Rejissoru Samir Kərəmoğlu, operatoru Nadir Mehdiyevdir. Ekran işində Qurban İsmayılov, İlhamə Qasımova, Şəhriyar Əbilov, Kəmalə Piriyeva rol alıb. Çox ağır bir film idi. İndiyənə kimi Azərbaycanda belə janrda film olmayıb. 2016-cı ildə böyük səs-küy yaradacaq. İlhamə rolunun öhdəsindən çox gözəl gəldi. Əminəm ki, "Şər qarışanda"nı hamı bəyənəcək".
Foto: Rüstəm NƏRİMAN
