Bakı, 21 dekabr, AZƏRTAC
Yanvar-noyabr aylarında Azərbaycandan sayğac göstəriciləri əsasında 7 milyard 563 milyon 463 min kubmetr təbii qaz ixrac edilib.
Bu barədə AZƏRTAC-a Dövlət Gömrük Komitəsindən məlumat verilib. Bildirilir ki, on bir ayda Bakı–Tbilisi–Ceyhan əsas ixrac neft boru kəməri ilə 1 milyard 952 milyon 274 min kubmetr qaz kondensatı ixrac olunub.
Hesabat dövründə gömrük bəyannamələri əsasında rəsmiləşdirilən 187 milyon 371 min dollar dəyərindəki təbii qaz ixracı 1 milyard 182 milyon 623 min kubmetr təşkil edib.