Əməkdar artist, Akademik Milli Dram Teatrının aktyoru Ələsgər Məmmədoğlunun dəfn xərcinin və yas mərasiminin bir qismini Mədəniyyət və Turizm Nazirliyi ödəyəcək.
Axşam.az xəbər verir ki, bu barədə AzNews.az-a Akademik Milli Dram Teatrının mətbuat xidmətindən məlumat verilib. Mətbuat xidmətindən onu da bildiriblər ki, dəfn məsələlərinə nazirliklə yanaşı Akademik Milli Dram Teatrı da köməklik edəcək:
“Ələsgər Məmmədoğlu Azərbaycanın istedadlı aktyorlarından olub. Onun dəfn və yas xərci bu iki qurumun diqqətindədir”.
Qeyd edək ki, Ə.Məmmədoğlu dekabrın 21-də dünyasını dəyişib.