Populyar amerikalı müğənni, qalmaqallardan başı səngiməyən Mayli Sayrus yeni performans sərgiləyib.
Milli.Az TMZ-yə istinadən bildirir ki, o, Los-Ancelesdəki "Wiltern" arenasında keçirilən konsertdə səhnəyə buynuzla çıxıb.
Vegetarianların aksiyasına bənzəyən konsertdə ilk çıxış edən Pamela Anderson olub.
Mayli Sayrus səhnəyə sol ayağına "Əsirliyə yox!", sağ qoluna isə "Vegetarian ol!" yazıları ilə çıxmışdı.
Konsert balina ovunun yasaqlanmasına yönəlmiş aksiya çərçivəsində təşkil olunmuşdu.
Milli.Az 
