Bakı, 22 dekabr, AZƏRTAC
AFFA-nın Klublar Komitəsinin 2015-ci ildə son iclasının vaxtı və yeri açıqlanıb.
AZƏRTAC xəbər verir ki, tədbir dekabrın 24-də “Boulevard Baku” otelində keçiriləcək.
Saat 11:00-da başlanacaq iclasın gündəliyində əsas məsələ Klublar Komitəsinə yeni sədr seçkisi olacaq. Hazırda komitəyə “Xəzər-Lənkəran”ın vitse-prezidenti Tuyqun Nadirov rəhbərlik edir. Mövcud əsasnamə onun yenidən seçilməsini qadağan etmir.
İclasda mövsümün ilk iki dövrəsinin təhlil və əksər klubların üzrəşdiyi maliyyə böhranından çıxış yollarının da müzakirə olunacağı gözlənilir.
