Bakı. Elçin Mehdiyev - Trend:
“Azərbaycan gəncliyi 2011-2015-ci illərdə” Dövlət Proqramının icrasına dövlət büdcəsindən 59 milyon 956 min 735 manat vəsait ayrılıb.
Trend-in məlumatına görə, bunu gənclər və idman nazirinin müavini İntiqam Babayev “Azərbaycan gəncliyi 2011-2015-ci illərdə” Dövlət Proqramının yekunlarına dair Əlaqələndirmə Şurasının iclasında deyib.
Nazir müavini bildirib ki, bu müddət ərzində 675 tədbir keçirilib ki, onlardan 121-i beynəlxalq səviyyədə olub.
İ.Babayev vurğulayıb ki, 3 şəhərdə gənclər evi istifadəyə verilib və 5 rayon və şəhərdə gənclər evinin tikintisi davam edir. Onun sözlərinə görə, indiyə qədər ümumilikdə 33 gənclər evi tikilib.
Bizi Twitter-dən izləyin: @trend_az