"İslam dövləti" (İŞİD) terror qruplaşmasının döyüşçüləri bu gün minaatanlardan Suriyanın şimal-şərqində yerləşən Deyr-əz-Zor şəhərindəki qız məktəbini atəşə tutublar.
Milli.Az publika.az-a istinadən xəbər verir ki, nəticədə 9 şagird həlak olub, daha 15-i yaralanıb.
Suriya Daxili İşlər Nazirliyinin məlumatına görə, mərmilər səhər saatlarında məktəb meydançasında partlayıb.
Hökumət qruplaşmanın hücumunu pisləyib. Suriyanın baş naziri Vali əl-Halkinin sözlərinə görə, məktəblər və universitetlərə edilən hücumlar ölkəni bərpa etməli olan gələcək nəsillərin təhsil almasına mane olmayacaq.
Milli.Az