Bakı, 23 dekabr, AZƏRTAC
Türkiyənin nüfuzlu dil mərkəzi Türk Dil Qurumunun başqanı, professor Mustafa Kaçalin Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunda olub.
İnstitutdan AZƏRTAC-a bildiriblər ki, qonaq özünün və rəhbərlik etdiyi qurumun türk xalqları ədəbiyyatının öyrənilməsi sahəsindəki fəaliyyəti barədə məlumat verib.
İnstitutun direktoru, akademik Teymur Kərimli qonağa institutun tarixi, burada görülən işlər və əlyazmaların mühafizəsi, bərpası, nəşrə hazırlanması və elektronlaşması haqqında danışıb.
Sonra qonaq əlyazmaların saxlanılması, bərpa laboratoriyası ilə tanış olub.
