Bakı, 23 dekabr, AZƏRTAC
“Şahdağ” qış-yay turizm kompleksi MDB ölkələrinin dağ-xizək kurortları üzrə tərtib edilmiş reytinqin ilk onluğunda yer alıb.
Mədəniyyət və Turizm Nazirliyindən AZƏRTAC-a bildirilib ki, məşhur turizm xidməti Travel.ru “Forbes” ilə birlikdə yanvar ayı üçün MDB məkanı üzrə viza tələb olunmayan münasib (oteldə qalmaq haqqı, nahar, və s. xidmətlər nəzərə alınmaqla - Oktogo.ru saytının məlumatına əsasən) dağ-xizək kurortlarının TOP-10 reytinqini tərtib edib.
Siyahıda “Şahdağ” qış-yay turizm kompleksi altıncı sırada qərarlaşıb.
