Bakı, 23 dekabr, AZƏRTAC
Egey dənizində mühacirləri daşıyan qayığın batması nəticəsində aralarında bir körpənin və azyaşlı 6 uşağın olduğu 13 nəfər həyatını itirib.
AZƏRTAC Anadolu informasiya agentliyinə istinadla xəbər verir ki, Yunanıstanın sahil mühafizəsi xidməti 15 mühaciri xilas etməyə müvəffəq olub. Qəza zamanı itkin düşən bir nəfərin axtarışının davam etdiyi bildirilir.
Xilas edilənlər arasında komaya düşən üç mühacir Leros adasındakı xəstəxanaya çatdırılıb.