Ötən gün Vergilər Nazirliyi gəlirini gizlədib, vergidən yayınan şou-biznes nümayəndələrinin tam siyahısını təqdim edib.
Milli.Az gecce.az-a istinadən xəbər verir ki, siyahıda "Qala" qrupunun rəhbəri, müğənni-bəstəkar Ceyhun Əliyevin adı da hallanıb.
Lakin adının vergisini ödəməyən sənətçilər sırasında görən Ceyhun etirazını bildirib:
"Mən 15-20 min manata toya getmirəm. Azərbaycanda ən aşağı qiymətə toya gedən mənəm. Vaxtlı-vaxtında da vergimi ödəyirəm. Atam elmlər namizədi, professordur. Hər dəfə o, hesabıma daxil olur və vergimi ödəyir. Gecikmə söhbəti də ola bilməz. Adımı o siyahıya niyə daxil ediblər? Qrupla toya gedirəm, oradan mənə cəmi 300-400 manat pul düşür. Həmin məbləğdən vergi haqqımı hər zaman ödəyirəm. Buna baxmayaraq, adım həmin siyahıdadır. Artıq atam yazılı şəkildə buna etirazını bildirib".
Milli.Az
