Sabirabad rayon sakininin evindən heyvan, mağazasından isə ərzaq məhsulları oğurlanıb.
Sabirabad polis şöbəsindən APA-nın Mil-Muğan bürosuna verilən məlumata görə, Sabirabad Rayon Polis şöbəsinin (RPŞ) əməkdaşlarının həyata keçirdikləri əməliyyat-axtarış tədbirləri nəticəsində noyabrın 11-də rayon sakini Sədirağa Muradovun həyətindən 4 baş qoyun, habelə ona məxsus mağazadan ərzaq məhsulları oğurlayan Sabirabad rayon sakini Həsən İsrafilov, Şirvan şəhər sakinləri Əziz İsrafilov və əvvəllər məhkum olunmuş Elşad Rüstəmov tutulub.
Faktla bağlı Sabirabad polis şöbəsində cinayət işi açılıb, araşdırma aparılır.
