Bakı, 23 dekabr, AZƏRTAC
Ötən gecə Səudiyyə Ərəbistanının cənub-qərbində yerləşən Cizan vilayətindəki xəstəxanalarının birində güclü yanğın baş verib.
AZƏRTAC TASS informasiya agentliyinə istinadla xəbər verir ki, ölkənin mülki müdafiə xidməti hadisə nəticəsində 25 nəfərin həyatını itirdiyini, 100-dən çox insanın isə müxtəlif dərəcəli xəsarətlər aldığını bildirib.
Hazırda tibb müəssisəsində alovun yayılması təhlükəsi aradan qaldırılıb, xəsarət alanlar yaxınlıqda yerləşən xəstəxanalara çatdırılıb.
Yanğının baş vermə səbəbləri araşdırılır. Yerli hökumət fövqəladə vəziyyətlə bağlı təhqiqata başlayıb.
