Bakı, 24 dekabr, AZƏRTAC
“Qaradağ” yatağındakı 487 nömrəli quyu qazmadan sonra istismara verilib.
Azərbaycan Respublikası Dövlət Neft Şirkətinin (SOCAR) mətbuat xidmətindən AZƏRTAC-a bildirilib ki, məhsuldar qat çöküntülərinin VIIa horizontuna qazılmış quyu 2960-2943 metr dərinlik intervalından sutkalıq 100 min kubmetr qaz hasilatı ilə istismar fonduna qəbul edilib. Quyuda istismar işləri Qaz Anbarları İstismarı İdarəsi tərəfindən həyata keçirilir.