Bakı, 24 dekabr, AZƏRTAC
Əsaslı təmir olunmuş yolların 800 metrlik uzunölçülü relslərlə (pletlərlə) əvəz olunması prosesi davam etdirilir.
“Azərbaycan Dəmir Yolları” QSC-dən AZƏRTAC-a bildirilib ki, 800 metrlik uzunölçülü relslərin hazırlanması prosesinə start veriləndən (22 fevral 2012-ci ildən) bu günə kimi 532 kilometr rels qaynaq edilib, bunun 394,7 kilometri Azərbaycanın dəmir yollarında, 137,3 kilometri isə Bakı-Tbilisi-Qars yeni dəmir yolu xətti bağlantısının Gürcüstan hissəsinin tikintisində istifadə olunub.
2015-ci ilin oktyabr ayından Azərbaycan dəmir yollarının əsaslı təmiri prosesinin növbəti mərhələsinə start verilib və Bakı-Böyük Kəsik istiqamətində 600 kilometr dəmir yolu əsaslı təmir olunmasına başlanılıb. Bu yolların da 800 metrlik uzunölçülü relslərlə əvəzlənməsi prosesi həyata keçirilir.