Bakı, 24 dekabr, AZƏRTAC
Bakının Sabunçu rayonunda təbii qaz təchizatında məhdudiyyətlər olacaq.
“Azəriqaz” İstehsalat Birliyindən AZƏRTAC-a bildirilib ki, dekabrın 25-də saat 09:00-dan işlər başa çatanadək rayonun Sabunçu və Ramana qəsəbələrinin bir hissəsində təbii qazın verilişində fasilələr yaranacaq. Məqsəd abonentlərin təbii qaza olan tələbatının təmin edilməsi, qaz kəmərində aşkar olunmuş qaz sızmasının ləğvi, yeni çəkilmiş qaz kəmərinin qaz təchizatı mənbəyinə birləşdirilməsi və istehlakçıların qaz təchizatının yaxşılaşdırılmasıdır.