Bakı, 24 dekabr, AZƏRTAC
Azərbaycan Dövlət Musiqili Teatrı dekabrın 24-dən etibarən Yeni il şənliklərinə start verib.
AZƏRTAC xəbər verir ki, teatrda Yeni il şənliklərinin gələn il yanvarın 6-dək davam etməsi planlaşdırılır. Hər gün dörd seansın keçirilməsi nəzərdə tutulur.
Tamaşaçıları tam fərqli, sürprizlərlə dolu əsl bayram şousu gözləyir. Balaca tamaşaçlar Yeni il şənliklərində bir sıra maraqlı məqamlarla qarşılaşacaq, nağıl qəhrəmanları ilə birlikdə əylənəcəklər. Şaxtababa və Qar qız onlar üçün müxtəlif hədiyyələr hazırlayıblar.
Balacaların öz sevimli personajları ilə canlı ünsiyyətdə olacağı nağıl-tamaşanın quruluşçu rejissoru Əhəd Hacıyev, rejissoru Anar Sadıqov, musiqi tərtibatçısı Mehman Fərəcovdur.
Yeni il şənliklərində iştirak etmək istəyənlər biletləri şəhərin bütün teatr-konsert kassalarından əldə edə bilərlər.
