Zərdab, 25 dekabr, AZƏRTAC
Dekabrın 24-də Zərdab Rayon İcra Hakimiyyətində 31 Dekabr - Dünya Azərbaycanlılarının Həmrəylik Günü və Yeni il bayramı münasibətilə valideyn himayəsindən məhrum olan, hər iki valideynini itirən uşaqlarla və onların himayədarları ilə görüş keçirilib.
AZƏRTAC xəbər verir ki, görüşdə çıxış edən rayon icra hakimiyyətinin başçısı Lütvəli Babayev iştirakçıları bayramlar münasibətilə təbrik edib, ölkəmizdə bu kateqoriyadan olan uşaqlara göstərilən dövlət qayğısından danışıb.
Sonra valideyn himayəsindən məhrum olan və hər iki valideynini itirən uşaqlara bayram sovqatı paylanılıb, maddi yardım verilib.
Çıxış edənlər göstərilən diqqət və qayğıya görə minntədarlıqlarını bildiriblər.