Bakı, 25 dekabr, AZƏRTAC
Fitch Ratigns beynəlxalq reytinq agentliyi “Unibank”ın reytinqini əvvəlki səviyyədə təsdiqləyib.
Bankdan AZƏRTAC-a bildirilib ki, Fitch ekspertləri vurğulayıblar ki, “Unibank” devalvasiyadan sonra bütün normativ tələblərə cavab verir. Qeyd edək ki, beynəlxalq agentliyin dəyərləndirməsinə görə, bankın bu il üçün reytinqi “B” səviyyəsində müəyyənləşdirilib.
Beynəlxalq reytinq agentliklərinin ekspertləri Azərbaycanın öndə gedən banklarından biri olan “Unibank”ın reytinqinin yenilənməsinin maliyyə göstəricilərinin gələcək sabit artımından asılı olacağını bildirirlər.