Pekin, 25 dekabr, AZƏRTAC
Çinin Şandon əyalətində gips mədəninin uçması nəticəsində 19 nəfər dağıntılar altında qalıb.
Yerli hakimiyyət orqanlarının məlumatına görə, Baotay qəsəbəsi ərazisindəki mədəndə uçqun səhər saat 8:00 radələrində baş verib. Həmin vaxt mədəndə 29 nəfər işləyirmiş. Xilasedicilər dağıntılar altından 4 nəfəri sağ çıxara biliblər.
Hazırda digərlərinin axtarış-xilasetmə işləri aparılır.
Şahin Cəfərov
AZƏRTAC-ın xüsusi müxbiri
Pekin