Bakı. 25 dekabr. REPORT.AZ/ "Ailə Məcəlləsinə edilən dəyişikliklərlə əlaqədar iyun ayının 1-dən etibarən 82 minə yaxın insanın qan nümunəsi müayinə olunub". "Report" xəbər verir ki, bunu Səhiyyə Nazirliyinin ilin yekunlarına həsr olunmuş kollegiya iclasında nazirliyin Tibbi Yardımın Təşkili şöbəsinin müdiri Gülmirzə Poladov deyib.
O bildirib ki, nikaha daxil olanların tibbi müayinəsi talassemiyanın profilaktikası baxımından çox böyük əhəmiyyət kəsb edir: "Bu ilin ötən dövrü ərzində qan nümunəsi götürülənlər arasında 5500 nəfər talassemiya daşıyıcısı, 53 nəfərdə QİCS, 320 nəfərdə sifilis xəstəliyi aşkar edilib. Müayinə olunanların arasında 40 cütlük aşkar edilib. Bunlara lazımı tibbi-genetik məsləhətlər və sonrakı müayinələr haqqında ətraflı məlumat verilib".
