Bakı, 26 dekabr, AZƏRTAC
Əfqanıstan və Tacikistan sərhədində 6,9 bal gücündə zəlzələ baş verib.
AZƏRTAC Anadolu informasiya agentliyinə istinadla xəbər verir ki, Pakistan meteoroloji xidmətinin məlumatına əsasən, zəlzələ ölkənin şimalında yerləşən İslamabad, Lahor, Ravalpindi və başqa şəhərlərində də hiss olunub.
Zəlzələ yerin 197 kilometr dərinliyində meydana gəlib və 59 saniyə davam edib.
Hələlik hadisə nəticəsində dəyən zərər və həlak olanlar haqqında rəsmi məlumat verilmir.