"Rəvan"ın qış hazırlıq planı qismən məlum olub. Fanat.az хəbər verir ki, maliyyə böhranından əziyyət çəkən komanda təlim-məşq toplanışı üçün ölkəni tərk etməyəcək.
"Rəvan" yanvarın 4-də toplaşaraq hazırlıqlara başlayacaq. Bir həftə Bakıda məşq edəcək komandanın Salyana səfri nəzərdə tutulub. "Sarı-qırmızılılar" Salyan Olimpiya Kompleksində iki həftəlik toplanış keçmək istəyir. Bunun üçün əvvəlcə stadionun qazonuna əl gəzdirmək lazımdı.
Qazon normal vəziyyətə gətirilsə, "Rəvan" Salyana gedəcək. Hazırlığın son mərhələsi isə Bakıda baş tutacaq.
Fanat.az