Bakı, 26 dekabr, AZƏRTAC
İmişli rayonunda ağır yol-nəqliyyat hadisəsi baş verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, dekabrın 26-da saat 1 radələrində İmişlidə rayon sakini Elçin Kərimovun idarə etdiyi “VAZ-2107” markalı avtomobil yol kənarında dayanan, Nazim Pənahova məxsus “ZİL” markalı avtomobilə çırpılıb. Nəticədə “VAZ-2107”də olan sərnişinlər Elçibəy Mürşüdov, Valeh Əmirov və Samir Cavadov hadisə yerində ölüb, sürücü isə xəsarətlə xəstəxanaya yerləşdirilib.
Hadisə ilə bağlı cinayət işi açılıb, İmişli Rayon Polis Şöbəsi tərəfindən araşdırma aparılır.
