Bakı, 26 dekabr, Samirə Allahverdiyeva, AZƏRTAC
Azərbaycan Boks Federasiyasının Boks Mərkəzində böyüklər arasında Azərbaycan çempionatı davam edir.
AZƏRTAC xəbər verir ki, 200-dən çox idmançının mübarizə apardığı yarışın ikinci günündə 10 çəki dərəcəsində döyüşlər keçirilir.
Birincilikdə “Neftçi”, “Qızıl əlcək”, “Rabitəçi”, “Sərhədçi”, “Gömrükçü”, Daxili İşlər Nazirliyinin İdman Cəmiyyəti, “Zenit”, “Lokomotiv” klubları ilə yanaşı, regionların təmsilçiləri də iştirak edirlər.
Yarışların baş hakimi Fuad Aslanov, baş məsləhətçisi isə Rövşən Hüseynovdur.
Çempionat dekabrın 29-dək davam edəcək.
