Qaxda bir nəfərin xəsarət alması ilə nəticələnən bədbəxt hadisə baş verib.
Milli.Az "Report"a istinadən xəbər verir ki, rayonun Qaysarlı kənd sakini, 1990-cı il təvəllüdlü Kərimli Elnur Rüstəm oğlu at arabasını sürərkən qəflətən yerə yıxılıb və araba onun üzərinə aşıb.
Yaralı qapalı kəllə-beyin travması və bədəninin müxtəlif nahiyələrinin əzilmiş yaraları diaqnozu ilə Qax Rayon Mərkəzi Xəstəxanasına çatdırılaraq Cərrahiyə şöbəsinə yerləşdirilib.
Hazırda xəstənin vəziyyəti orta ağırdır.
Milli.Az