Çin uyğurlara görə fransalı jurnalisti ölkədən çıxarır

18:17 27 Dekabr 2015
31 Dünya
Ölkə mətbuatı
A- A+

Bakı. 27 dekabr. REPORT.AZ/ Çin terroru dəstəkləməkdə ittiham etdiyi fransalı jurnalistin akkreditasiyasını yeniləməmək qərarını təsdiq edib. Bu isə onun ilin sonunadək Pekini tərk etməli olduğu deməkdir.
"Report"un Amerikanın səsinə istinadən verdiyi xəbərə görə, Çinin Xarici İşlər Nazirliyi bildirib ki, həftəlik L'Obs jurnalının Pekin müxbiri Ursula Qautier artıq Çində işmək üçün uyğun deyil.
Çin Qautierdən son yazılarından birini dəyişməsini və üzr istəməsini tələb edib. Xanım jurnalist isə ölkəni tərk etməyə üstünlük verdiyini bildirib.
Quitierin ötən ay dərc edilən məqaləsində deyilir ki, Pekin Parisdəki terror aktlarından yararlanaraq müsəlman uyğurlara təzyiqlərə haqq qazandırmağa çalışıb. Məqalədəki bu fikir Çin hakimiyyətinin xoşuna gəlməyib və rəsmi KİV-lər ittiham kampaniyasına başlayıblar.
L'Ob jurnalı isə Fransa ilə Çin arasında iqtisadi, mədəni və diplomatik əlaqələrin möhkəmləndiyi zamanda əməkdaşının ölkədən çıxarılmasını «böyük insident» sayır.

Xəbərin orijinal ünvanı: http://report.az/diger-olkeler/cin-uygurlara-gore-fransali-jurnalisti-olkeden-cixarir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR