Bakı, 28 dekabr, AZƏRTAC
ABŞ-ın cənub-şərq ştatlarında tornado və daşqınlar nəticəsində həyatını itirənlərin sayı 41 nəfərə çatıb.
AZƏRTAC RİA Novosti informasiya agentliyinə istinadla xəbər verir ki, son məlumata görə, daşqınlar nəticəsində Missuri ştatında 6, Texas ştatında 11, İllinoys ştatında 5, Missisipi, Alabama, Tennessi və Arkanzasda isə ümumilikdə 19 nəfər həlak olub.
Hökumət hələ ki, təbii fəlakətin səbəb olduğu ziyanı dəqiqləşdirməkdə çətinlik çəkir.
Sinoptiklərin məlumatına əsasən, regionda güclü qar fırtınası davam edəcək.
