Bakı. 28 dekabr. REPORT.AZ/ Suriyanın Homs şəhərinin mərkəzində yerləşən Əz-Zəhra rayonunda üç partlayış olub.
"Report" RİA Novostiyə istinadən xəbər verir ki, şəhər polisindəki mənbə 30-dan çox adamın öldüyünü, onlarla dinc sakinin yaralandığını məlumat verib.
"Kamikadzenin özünü partlatmasından dərhal sonra minalanmış avtomobil partlayıb. Az sonra birinci terror yerində daha bir partlayış həyata keçirilib. İlkin məlumatlara görə, 30-dan çox adam ölüb. Hadisə Rukya poliklinikasına yaxın ərazilərdə baş verib", - mənbə bildirib.
