Yetişdirdiyi futbolçuları fantastik qiymətə satmaqla böyük pullar qazanan "Portu" daha bir uğurlu müqaviləyə imza atıb. Fanat.az хəbər verir ki, Portuqaliya klubu bu müqavilə sayəsində büdcəsini dolduracaq.
Belə ki, MEO şirkəti qarşıdakı 7 ildə "Portu"nun forma sponsoru olacaq. Müqavilə həmçinin 10 il müddətində klubun ev oyunlarının yayım hüququnu da bu şirkətə verib. Əvəzində "Portu" 457 milyon 500 min avro qazanacaq.
Qeyd edək ki, ötən ay "Benfika" da bənzər müqavilə imzalamışdı. Portuqaliya mediası "Sportinq"in də oхşar müqavilə imzalamağa hazırlaşdığını yazır.
Fanat.az
