Bülent Korkmaz Qara Qarayevlə Tural Rzayevin transferindən danışdı

Bülent Korkmaz Qara Qarayevlə Tural Rzayevin transferindən danışdı
15:22 28 Dekabr 2015
37 İdman
Ölkə mətbuatı
A- A+

Türkiyənin "Mersin İdman Yurdu" futbol klubunun rəhbərliyi "Qarabağ"ın müdafiəçisi Qara Qarayev və "Kəpəz"in hücumçusu Tural Rzayevlə bağlı qərarını dekabrın 29-da açıqlayacaq. Bu barədə "Report"a "qırmızı şeytanlar"ın baş məşqçisi Bülent Korkmaz məlumat verib.


47 yaşlı mütəxəssis hər iki futbolçu ilə ciddi maraqlandığını təsdiqləyib: "Mən Azərbaycan Premyer Liqasını yaxından izləyirəm. Üstəlik, "Qarabağ"ın Avropa Liqasının qrup mərhələsindəki çıxışından xəbərdaram. Hər ikisi maraq dairəmizdədi. Sabah rəhbərliklə görüşərək transfer planlarımı açıqlayacağam. Razılıq verilsə, futbolçulara dəvət göndərərək danışıqlara başlayacağıq".


B.Korkmaz komandanın maliyyə problemləri ilə üzləşməsinə dair xəbərlərə də münasibət bildirib. Onun fikrincə, klubu Mersin bələdiyyəsi himayəyə götürdüyündən, maddi sıxıntı yaşanmayacaq.


Qeyd edək ki, "Mersin İdman Yurdu" Türkiyə Super Liqasında 17 turdan sonra 10 xalla 17-ci pillədə qərarlaşıb. Klub ötən gün "Bursaspor"a uduzub - 1:2. 


Fanat.az

RƏYLƏR

BU KATEQORİYADAN DİGƏR XƏBƏRLƏR