2015-ci ildə olduqca uğurlu ağıllı saatlar təqdim olunub.
Milli.Az xeberler.az-a istinadən ilin ən yaxşı ağıllı saatlarını təqdim edir:
"Samsung Gear 2 - Gear S2 Classic"
İlin ən uğurlu ağıllı saatlarından biri olan "Samsung Gear S2" heyranedici dizaynı ilə yanaşı, qiymətinin sərfəli olması ilə seçilir.
Klassik və idman olmaqla iki fərqli modelə sahib olan "Gear S2" Spor modeli 400 dollar, "Gear S2" Classic modeli isə 500 dollar dəyərindədir.
Ağıllı saat həm suya, həm də toza qarşı davamlıdır.
"Pebble Time - Time Round"
Ağıllı saat bazarının ilk istehsalçılarından olan "Pebble" 2015-ci ildə təqdim etdiyi "Time" və "Time Round" modelləri ilə bu bazarın liderlərindən biri olduğunu bir daha sübut etdi.
Rəqiblərinə nisbətən daha ucuz və daha uzunömürlü batareyaya sahib olması ilə seçilir.
Pebble Time modeli 7 günə kimi davamlı batareyaya sahibdir. Bu modelin qiyməti isə sadəcə 130 dollardır.
"Apple Watch"
2015-ci ilin üçüncü yarısında təqdim olunan "Apple Watch" bu ilin ən çox maraqla gözlənilən saatı idi.
Rəqiblərinə nisbətən dəyərli olan "Apple Watch"-ın qiyməti 349 dollardan 15 min dollara kimi davam edir.
"Lg Watch"
"Google"-un ağıllı saatlar üçün hazırladığı Android Wear əməliyyat sistemini istifadə edən "LG Watch" 320 x 320 piksel 1.3 düymlük dairəvi ekrana sahibdir.
"Hauwei Watch"
Dizayn baxımından olduqca gözəl görünüşə malik ağıllı saat Android Wear əməliyyat sistemi ilə işləyir.
1.4 düymlük ekrana sahib olan saat paslanmayan poladdan istehsal olunub. Rəqiblərindən isə daha davamlı olması ilə seçilir.
Milli.Az 
