Bakı, 28 dekabr, AZƏRTAC
2016-cı ildə UNESCO-nun xətti ilə Azərbaycan klassik ədəbiyyatının iki görkəmli nümayəndəsi İmadəddin Nəsimi və Molla Pənah Vaqif ili elan edilə bilər.
Mədəniyyət və Turizm Nazirliyindən AZƏRTAC-a bildirilib ki, UNESCO-nun xətti ilə hər iki qüdrətli söz xiridarının anılması Azərbaycan üçün mühüm hadisə ola bilər.
UNESCO-da İmadəddin Nəsimi və M.P.Vaqiflə yanaşı, almanların ilk dəfə Azərbaycana köçürülməsinin də ildönümünün qeyd ediləcəyi gözlənilir. Hər üç təklif 2016-cı ildə UNESCO-ya təqdim ediləcək.