Bakı, 28 dekabr, AZƏRTAC
"Azər Türk Bank" ASC Azərbaycanda manatın xarici valyutalar qarşısında məzənnəsinin dəyişməsi nəticəsində kart sahiblərinin məruz qala biləcəyi ziyanı öz üzərinə götürüb.
Bankdan AZƏRTAC-a bildiriblər ki, dekabrın 21-dək bankın kart sahiblərinin xarici valyutalarda apardıqları əməliyyat məbləğlərinin hesabdan silinməsi zamanı dekabrın 18-nə olan valyuta məzənnələri tətbiq olunacaq. "Azər Türk Bank" məzənnə fərqi ilə bağlı yaranmış valyuta itkisini öz vəsaiti hesabına qarşılyacaq. Bu, bankın bütün növ ödəniş kartları ilə aparılmış hesablaşmalara şamil olunacaq.