Bakı, 28 dekabr, AZƏRTAC
Dekabrın 28-də Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində görkəmli qəzəlxan şairimiz Əliağa Vahidin 120 illik yubileyinə həsr edilən musiqili ədəbi-bədii tədbir keçirilib. Tədbirdən əvvəl Əlağa Vahidə həsr edilən sərgi nümayiş etdirilib.
AZƏRTAC xəbər verir ki, tədbirdə mədəniyyət, ədəbiyyat və elm xadimləri iştirak edib, şairin həyatı və yaradıcılığında danışılıb, xanəndələrin ifasında onun musiqiyə çevrilmiş qəzəlləri səslənib.