Bakının valyutadəyişmə məntəqələrində məzənnənin artırılması kimə sərf edir?

Bakının valyutadəyişmə məntəqələrində məzənnənin artırılması kimə sərf edir?
18:12 28 Dekabr 2015
85 Digər
Ölkə mətbuatı
A- A+

Bakıda dolların məzənnəsinin süni şəkildə artırılmasında lisenziyasız işləyən, qanunsuz fəaliyyət göstərən valyutadəyişmə məntəqələrinin sahiblərinin əli var.

Bunu Trend-ə ölkənin maliyyə sahəsindəki ekspert deyib.

Onun sözlərinə görə, hazırda belə məntəqələrin işi nəzarət altına götürülüb: "Buna görə də onlar qanunsuz "qara bazar"ın yaranmasına səbəb olan belə hərəkətlərə əl atırlar. Onlar əvvəllər öz fəaliyyətləri ilə məşğul ola bilirdilər, lakin yaranmış proseslərə görə Azərbaycan Mərkəzi Bankı onlara nəzarət etməyə başladı".

Ekspert qeyd edib ki, belə addımlar bazarda lazımsız ajiotaj yaradaraq ölkə əhalisini valyutadəyişmə məntəqələri qarşısında növbəyə durmağa vadar edir: "Ötən gün həmin valyutadəyişmə məntəqələrinin çoxu bəyan edirdi ki, dollar 2 manat olacaq, lakin bu baş vermədi. Əhali görməlidir ki, bütün bunlar müəyyən şəxslərin oyunudur və ajiotaja uymamalıdır".

O, diqqətə çatdırıb ki, üzən məzənnənin mahiyyəti ondan ibarətdir ki, valyutaların məzənnəsi yaxın günlər ərzində həm düşə, həm də qalxa bilər: "Bu, bazarın qanunudur. Buna görə də əhali qərar verməkdə tələsməməlidir".

Milli.Az

RƏYLƏR

BU KATEQORİYADAN DİGƏR XƏBƏRLƏR