“Qalatasaray”ın və Türkiyə millisinin yarımmüdafiəçisi Səlcuq İnanın qolu Avropanın ən yaxşısı seçilib. Apasport.az saytının məlumatına görə, UEFA rəsmi tvitter hesabından keçirdiyi sorğuda izləyicilərindən 2015-ci ildə klub və ya milli komandalarda vurulmuş ən yaxşı qolu seçmələrini istəyib.
AVRO-2016-nın seçmə mərhələsi çərçivəsində baş tutan Türkiyə - İslandiya oyununda Səlcuq İnanın cərimə zərbəsindən vurduğu qol 69 % səslə ən yaxşı olub. İkinci yeri isə Lionel Messinin qolu tutub – 19 %.
Qeyd edək ki, səsvermədə 159106 futbolsevər iştirak edib.