Azərbaycan Beynəlxalq Bankının Quba filialına bomba qoyulması barədə məlumat yalandır.
Bu barədə ANS PRESS-ə Quba rayon poils idarəsindən məlumat verilib. Faktı Quba Rayon İcra Hakimiyyətinin birinci müavini, rayon fövqəlada hallar komissiyasının sədri Yusif Abidov da təsdiqləyib.
Onun sözlərinə görə, Beynəlxalq Bankın filialı nəzarət altındadır. Filial artıq normal iş rejiminə qayıdıb.
Beynəlxalq Bankın Quba filialı
Əraziyə xüsusi minaaxtaran qüvvələr və əlavə polis gətirilib. Görülmüş işlər nəticəsində bomba barədə məlumat təsdiqini tapmayıb. Hazırda polis araşdırmaları davam etdirir. Zəngin haradan və kim tərəfindən daxil olduğu araşdırılır.
Qeyd edək ki, naməlum şəxs bombanın saat 15:00-da partlayacağını bildirib. Bu haqda bankın Bakıdakı mərkəzi ofisinə məlumat daxil olub. Quba Rayon Polis Şöbəsinin əməkdaşları dərhal bankın ofisini nəzarətə götürüb, işçilər təxliyyə edilib, hazırda əməliyyat tədbirləri davam etdirilir.
İlkin məlumata görə, bomba haqda məlumat öz təsdiqini tapmayıb.
Polislər iş başındadır:
