Bakı, 29 dekabr, AZƏRTAC
Tunis ISESKO-ya üzv ölkələrin təhsil nazirlərinin "Müştərək islam təhsil işini gücləndirmək və fəallaşdırmaq" devizi ilə keçiriləcək birinci konfransına ev sahibliyi edəcək. Konfransın 2016-cı il oktyabrın 27-28-də keçirilməsi nəzərdə tutulur.
AZƏRTAC İƏT-in İİNA saytına istinadən xəbər verir ki, bu barədə razılaşma Tunisdə işçi səfərdə olan ISESKO-nun baş direktoru Əbdüləziz bin Osman əl-Tuveyciri ilə ölkənin təhsil naziri Naci Cəlul arasında dekabrın 28-də keçirilmiş görüşdə əldə edilib. Tərəflər konfransın təşkilati məsələləri ilə bağlı müqavilə imzalayıblar.
