Bakı, 29 dekabr, AZƏRTAC
Azərbaycan Mərkəzi Bankı (AMB) "Bank kapitalının və onun adekvatlığının hesablanması Qaydaları"nda dəyişikliklər edib.
AZƏRTAC Azərbaycan Mərkəzi Bankına istinadla xəbər verir ki, dəyişikliyə əsasən, dekabrın 29-dan kapitalın adekvatlılıq əmsalının ölçüsü 12 faizdən 10 faizə azaldılıb. Bankların birinci dərəcəli kapitalının adekvatlılıq əmsalı isə 6 faizdən 5 faizədək azaldılıb.
Bank məcmu kapitalın adekvatlıq əmsalını 10 faizdən və I dərəcəli kapitalın adekvatlıq əmsalını 5 faizdən az olmayan səviyyədə saxlamalıdır.
